تجهيزي 1

2:15 م Ayca 0 تعليقات

السلام عليكم

أمس خرجت للسوق وبالتحديد رحت هيفاء مول
كان جدا سيئ ماعجبني شي حسيته كله حق بيت مافي شي للخرجات ينفع
وان لقيت القاه بسعر غالي وممكن الاقي نفس القطعة بسعر اقل
فخرجت من المول بـ روجين + مناكير
وتعتبر نعمة الحمدلله

 

اخدتهم من كشك اسمه flormor

الروج الواحد بـ 30 والمناكير بـ 10

 

حبيت الوانهم 

 

درجاتهم 

،

واليوم نزلت للسوق كمان ورحت للخاسكية عشان اخذ علب التوزيعات للملكة 

الخاسكية معروف اشياءه بالجملة مافي بالحبة 

وعندهم شغلات تجنن نفس اللي بالمولات واسعارها مرا رخيصة 

وبعد كذا لفة استقريت على هذي العلب

 

حبيتها مرا وعجبني اكثر حجمها نفس اللي ببالي 

خامتها حلوة قماش مو ورق 

 

من الداخل كمان قماش ومرتبة ونظيفة 

 

 

حجمها مرا صغير تقريبا زي علب الخواتم 

اخذت 3 درازن بـ 70 ريال 

المحل اسمه بن سليمان موجود بنفس الصف اللي فيه محلات العلب والهدايا والتحف 

المحل مرا حلو وفيه توزيعات على شكل عرايس وعرسان بس ماخذتها لانها تنفع للفرح اكثر 

طبعا العلب راح ازينها واضبطها اكثر 

بإذن الله لي نزلة تانية للسوق واخذ شريط دانتيل رفيع راح احطه على طرف العلبة من تحت 

وكمان باخذ شريطة  عريضة بنفسج عشان الف فيه العلبة لمن انتهي منها 

من الداخل راح اعبيها ورد مجفف 

واجيب قماش تل احط فيه حبة شوكليت والف القماش بـ شريطة رفيعة لونها سكري او ذهبي وعليه وردة صغنوووونة

الألوان اعتمدتها حسب لون فستاني 

على واجهة العلبة بحط ستكر فيه عبارة + اسمي واسمه 

وعلى حبة الشوكليت كمان بحط ستكر فيه اسمه واسمه 

وبس