5 سنوات :)

9:16 م Ayca 0 تعليقات

HELOO

السلام عليكم ، كيف الحال :)

عدنا بعد انقطاع طويييييييييل :(

كم صار لي متزوجة ؟؟ ياسرع الايام ماكنها 5 سنوات :(
كأنه أمس !!!

خلال الخمس سنوات مرت أحداث كثيرة بحياتي مهمة :

توفت جدتي :( الله يرحمها ويغفر لها 5 / 12 / 1434 
فتحت مشروعي  5 / 2 / 1435
صرت خالة 9 / 9 / 1435
توظفت في دار التقوى وكانت من أجمل المدارس ادارة ومعلمات ومشرفة الله يذكرها بالخير 4 / 11 / 1435
توفى خالي الله يرحمه :( 1 / 10 / 1435
تركت وظيفتي في التقوى وبدأت مشروع طاولات الاستقبال 7 / 2 / 1436
 تزوجت نوال 27 / 5 / 1437
غيرت شقتي القديمة 2 / 12 / 1437
توفى عمي الله يرحمه 11 / 12 / 1437
 توظفت من جديد 20 / 2 / 1437
صرت خالة للمرا الثانية 20 / 3 / 1438
صرت خالة للمرا الثالثة مو نفس الام طبعا 21 / 4 / 1438

الحمدلله على كل حال احداث ورى احداث شي مفرح وشي محزن :(
الا حدث واحد ماصار ..


ليه ماحملتي :/
اولا الشي هذا بارادة ربنا هذا شي لازم يحطو الناس تحته مليون خط
ثاني شي هذا يعتبر من الخصوصيات :)
من ايش ؟؟ من ال خ ص و ص ي ا ت
يعي مايعنيك تسألين ولا تهمك الاجابة
واللي يضحك في اخر الموضوع تقول معليش سامحيني تدخلت بخصوصياتك :)

بقول شي
ربنا مامنع شي الا لحكمه من عنده والحمدلله راضيه تمام الرضا.. واحيانا اقول الحمدلله ماعندي اطفال
صحيح الوضع مزعلني بس مو نهاية الدنيا الحمدلله الحياة ماشية
تضايقني الاسئلة خاصة بمجالس الحريم يووووووه ماخرج الا ومعايا رقم دكتوره ولا طبيبة شعبية
خلاص ياحرمة اسكتي على بالك مابغى الخلفة .. اتمناها ومافي حرمة ماتتمنى احد ينناديها ماما :(
وبعد موتي محد بيترحم عليا الا عيالي :(  ( ولد صالح يدعو له )
بس هذا مو من حقك تدخلين وتسألين ليه ماحملتي ؟؟
ترا السالفة تضايق باالضبط كأن أحد يقولك متى تموتي ؟؟؟

ولا اللي تجي طاااااايرة وتقول فلانة لها 7 مدري 10 سنوات ماحملت وبعدين جابت 15 ولد :)
ايش اسوي لها يعني ؟؟ اربيهم بدالها ؟؟


نفسي ارد بجواب واحد وههو :
الحرمة :متى تحملي ؟؟
جوابي : متى تموتي ؟؟
طبعا حتقول متى ماربنا اراد وكتب يومي
نفس الجواب بقولها عشان تنطم وماتدخل

أمي وابويا الا هما يهمهم الموضوع مانقو ولا زنو زي الحريم
انتو ايش حشركم ههههههههههههههههههههه حاجة غريبة 

يكفيني الدعاء بظهر الغيب وبس :)



فمي انشق من كثر التسليك :)
من كثر الوصفات والارقام اللي عندي صرت اكمل عن الحرمة كلامها

يكفيني الدعاء بظهر الغيب وبس :)

نفس الشي لمن كنت بنت وماتزوجت
ياربييييييييه مافي زواج ولا مناسبة الا مسكتني وحدة وتقولي الله يزوجك :(
ليه ياحرمة حظي واقف عليك ؟؟
الحمدلله فالة امها والله ولا همني والحياة مو واقفة على الزوج ترا
والحرمة تقدر تعيش بدون الرجال بس الرجال مايقدر :)
وانا اشوف حياة العزوبية تجنن واحن لها كثييييير :(
راتبي بيدي ومحد يأمرني وانام الليل بدون ازعاج واصحى بدون لا اشيل هم غدا ولا عشا.. ياسلاااااااااام :(


مادري متى الناس تفهم ان الحياة مو بس زواج واولاد
الحياة عبادة الحياة طموح الحياة انتي وبس
اهتمي بنفسك وعملك وطموحك والباقي خليه على ربنا
الله وحده هو العالم بحالك وهو وحده سبحانه اللي يدبر أمرك وعالم بمصلحتك اكثر من نفسك
لاتزعلي لو ماتزوجتي .. ماتدري يمكن الزواج مو خيره لك !!
لاتزعلي لو ماعندك اطفال وانتي شايفة الاطفال حولك وكل أم كيف تدلع ولدها
ماتدري لعل الله أبعد الشي هذا لشي اجمل منه !!
ماتدري لعل الله أجل الشي اللي تتمنيه لوقت انتي تكوني مستعده اكثر
ماتدري لعل الله استبدل الشي اللي تتمنيه بشي أجمل وأسعد وأنسب لحياتك

{ لاتدري لعل اللهَ يُحدثُ بعد ذلك أمرا }
{ فما ظنكم برب العالمين }