تابع مكياجي
درج الشدوهات
باليت نيكد ماستخدمه مشتريته للديكور بس ههههه
نيكس من ايام زواجي وارجع له ساعات
ابو 3 الوان هدية
اجمل باليت استخدمته
يجمع الوان نيكد 1 و 2 .. وواضحة الالوان وطبيعية
فيه المات وفيه الشيمر ..
اول 7 الوان من اليسار استخدمها غالبا في الدوام
البعض يقول ليه شدو في الدوام مرا رايقة انتي ههههههه
اولا ماحب عيوني تكون باهته بس عليها البودرة كأني مدري كيف برصا
لازم لون طبيعي عليها والاغلب احط بني نفس لون بشرتي والاضاءة بيج
وانا لو علي ماحطيت مكياج اصلا بس الهالات لاعبة فيني لعب
ان ماحطيت مكياج الكل يسألني اشبك مو نايمة ؟؟ تعبانة ؟؟ حامل ههههههه
عشان كذا لازم ميكب يخفي معالم الدهر
شدو درجات السموكي من بودي شوب
استخدم الاضاءة فقط اما الباقي ماجربته
الشيمر فيه قوي عشان كذا ماستخدمه كثير
بس الوانه واضحة وقوية
برايمر للعين من افون
جميييييل احطه وبعدها احط الشدو .. مرا جيد والشدو الوانه واضحه وقوية وثاااابته الين ارجع البيت
البودرات
ميكب فور ايفر استدمها للزواجات تغطيتها ممتازة
البرونز من اتش اند ام ممتازة برضو بس عيبها فيها شيمر بسيط
الكبيرة برضو من اتش اند ام جيدة واستخدمها للدوام .. اوزعها بالفرشاة الكبيرة
بودرة برجوا جيدة مخليتها احتياط لو انزنقت
الباقي استخدمه كونتور بودر
الدرج الاخير للخرابيط الزايدة كانت موزعة هنا وهناك
الكرتون الأسود غرا للاظافير جدا قوي وممتاز اخذته من صيدلية
شموع باث اند بودي بعد ماتخلص حطيها في الفريزر وخرجيها بعد ساعات
تنشال طبقة الشمع بسهولة وتستفيدي من العلبة
هذه علبة شمع كبيرة من باث اند بودي خلصت واستفدت متها في اني حطيت الاسفنجات
والفرش الصغيرة
اسفنجة ريل تكنيك رائعة في دمج الاساس والكنتور
نجي للفرش
فرشاة الكنتور البودر من سينس .. شعراتها قوية وناعمة وتدمج تمام
تعتبر هالماركة البديل الارخص لفرش سيجما
مرا جيدة وممتازة .. اخذتها من محل تجميل في الاندلس مول
ومتوفرة كمان في البلد
فرشاة دمج الكنتور والبلاشر الكريمي من ايلف ممتازة جدا لكن عيبها انها صغيرة
فرشاة مزدوجة من اتش اند ام
جهه للحواجب او الظل من تحت العين
وجهه لدمج الظل عند كسرة العين ( القوس )
مراا ممتاااازة والله وتدمج تمام
فرشاة توزيع الشدو
فرشاة البودرة
فرشاة الكونسيلر والبرايمر
فرشاة الحواجب
عطوري المظلومة .. ملييااااانة لانها مندسة بس دحين حطيتها قدامي
كلها روايحها تجنن ماعدا ابو عسل مو قد كذا بس هه يعتبر جيد
المسك الابيض
ااااااه دا المسك عذااااب استخدمه بعد كل شاور احطه بـ اماكن النبض
( خلف الاذن عند منابت الشعر - بين الصدر - تحت الابط مو عند الشعر لا تحته جنب الصدر - مفصل اليد مفصل الركبة واهم مكان هو اليد عند العروق
من بعد ماوزع في هالاماكن امشي كأني فواحة مسك .. ريحه تطلع مع كل حركة
وطبعا يعتمد على نوع المسك وافضلها من عبدالصمد القرشي
من زهور الريف جميلة ريحته بـ زهرة الكاميليا
عطور النهار والبيت من افون
مرا حلوة وخفيفة وناعمة
كمان عندهم عطر مرا رهيب ريحته بودرة
نظاااافة كأني متروشة وكبيت بودرة جونسون علي
اسمه سوفت مسك
عطر الدوام من افون ريحته باااااردة
لقطة احترافية
مزيل مكياج
الابيض من افون مرا حلو ويزيل المكياج حتى اللي ضد الماء وماله ريحه
والثاني من نيفيا برضو جميل وسلس
تونر استخدمه بعد مانظف وجهي بالغسول يشيل البقايا لو فيه بقايا مكياج
اخذ اكبر من حجمه
عطر شهر العسل وايت مسك
مرا احبه
ماستفدت منه
من ايكيا كبيت فيها حبيبات كبيرة عشان تثبت الفرش
ضروري من الغبار والرطوبة
وبكذا انتهيت والحمدلله
0 التعليقات: