عنايتي بوجهي بعد الشمع او الفتلة

5:01 ص Ayca 0 تعليقات

السلام عليكم 

بما ان الكام خربانة احس اني ضايعة ماني قادرة اسوي حاجة :/

لكن فرج الله قريب 

كثير منكم تنعدم بشرتها لمن تعمل فتلة او شمع وانا وحدة من هالبنات :(

اول ماشلت شعر وجهي حطت لي كريم سودو وقالت بعد ساعة اعملي ثلج 

انا نسيت .. غسلت وجهي وحطيت كريم فيسودين ( ابو اسد ) وطلعت حبوب طبعا وحمرا وتحكني 

اللي زاد الطين بلة اني عملت تنظيف بشرة بعدها بيومين 

الكوافيرة طولت وهي موجهه البخار على وجهي .. وتنظف وهي تبربر على راسي 

وجهك دهني وجهك دهني .. نظفي وانتي ساكتة يكفي البلا اللي حاطة بوجهي وساكتة لك 

واستغربت لمن سوت لي فتلة بعد البخار 

يعني انتي شايفة وجهي كيف محبب لاتزيدينه كمان :/

وانفي نظفت منه الرؤوس السودا بس حفرت لي هو وصار فيه بقع سودا 

المهم اني عالجت فيه لين هدأ الوضع الحمدلله وصارت الاثار خفيفة مرا 

وجهي كان مراااا جااااااااااااااااااف ومتشقق .. كان هالكريم رهييب يخفف من التشقق والقشور الين صار رطب وناعم زي عادته 

اخذ مني يومين تقريبا عبال مارجع لعادته 

كنت احطه كل ماحسيت بالجفاف .. يعني 3 مرات باليوم تقريبا 

ابتعدت عن المكياج لفترة عشان هالكريم ياخذ مفعولة 

بعده باسبوع رجعت للمكياج بس استعملت كريم BB في الدوام ولمن ارجع من الدوام اغسل وجهي واسوي هالكريم اللي فوق 

الحبوب كانت بجبهتي وخدي اليمين 

اللي بجبهتي اختفت حتى آثارها الحمدلله .. باقي الخد اليمين 

قررت اعمل قناع ( الشوفان + حليب بودرة + عسل + ماء ورد ) ممكن استغني عن العسل 

بعد مايجف القناع احركه بحركات دائرية ويدي مبلولة بزيت اللوز 

جربت هالقناع قبل واعطاني نضارة حلوة .. لو استمريت اتوقع بيخفي لي هالاثار ويرجع وجهي صافي زي قبل