عنايتي 1
راح اتكلم عن عنايتي اليومية تقريبا واهم الأشياء اللي راح ااخذها ان شاء الله لجهازي 
نبدأ بالبشرة والجسم
كريم جونسون بزبدة الشيا
راااائع هذا الكريم بشكل .. يعطي ترطيب طويل للبشرة وماستغنى عنه ابدا لازم يوميا امر عليه بعد كل غسلة ليديني
مجرد ترطيب لا أكثر .. لكن ترطيبه بسيط حق ساعة كذا مايدوم مثل جونسون
ممكن مع الاستمرار اشوف نتيجة مرضية !!
مرا حلو هذا المرطب هذا غير لونه الطبيعي 
مرطب رهيب للشفايف لكن ينفع للشفايف الكويسة مو اللي فيها قشور او الجافة
الجافة واللي فيها قشور ينفع لها نوع تاني اللي لونه اخضر او ازرق
بكتب وصفة لتقشير الشفايف ومرا رائعة هذي الوصفة :
عسل + سكر
تفركي فيها شفايفك حركات دائرية وبشويش عشان لاتسود .. وتغسليها وترطبيها بـ الفازلين
تاني يوم تفركي شفايف بالمنديل عشان تشيلي الفازلين منها .. وبس صارت عندك شفايف صحية وناعمة
وممكن تستبدلي العسل بـ زيت الزيتون
هذا خليط من ( الجلسوليد + زيت اللوز المر )
معروف زيت اللوز المر في التفتيح مع الاستمرار عليه .. وهالخليط يفتح + يرطب البشرة
يوميا استخدمه لرجولي والبس شرابات بعدها
وكمان استخدمه للركب والاكواع .. انا اصلا فاقدة الامل في تفتيحها لكن ع الاقل نرطبها 
هذا صنفرتي الجميلة 
مكوناتها :
2 فناجنين سكر
2 فناجين ملح خشن ( ولازم يكون خشن )
ملعقة كبيرة نشا
2 ملاعق كبار صنفرة
2 ملاعق كبار ماء ورد
2 ملاعق كبار زيت اللوز المر
نص علبة ملح الحليب اليوكو
تنخلط المقادير الجافة اول شي وبعدين السوائل وتستخدم كل حمام
نتيجتها : نعووومة وتفتيح مع الاستمرار
مانصح تستخدم في الحمام المغربي .. لاني استخدمتها وبعد يومين جسمي صار يحكني ويقرصني :(
الاسكينول استخدمه قبل ماحط كريم الجلسوليد وزيت اللوز على ركبي واكواعي
احطه بقطنة ينظف لي المنطقة قبل احط الكريم
اجمل مرطب 
احب استخدمه بعد كل حمام وبعد الحمام المغربي ترطيبه جمييييييييييل اتعب وانا اقول جمييييل
صحيح يعطي ملمس دهني لكن بعد تقريبا عشر دقايق جسمي يصير مرا رطب ويطول وهو رطب مايجف بسرعة زي باقي اللوشنات
موية الورد لها فوااااايد كبيرة غير التفتيح
فيه خلطة جميلة سمعت عليها مدح كبير وراح اجربها ان شاء الله وهي ( سدر + حليب + موية ورد )
المهم ان موية الورد اذا انخلطت مع موية الشرب اليومية تعطي ريحة حلوة للجسم
وخاصة العرايس محتاجين للريحة الحلوة الطبيعية
وكمان موية الورد المخلوطة بـ الموية العادية توخر النقط البنية في الساق وتقفل المسامات في الوجه والجسم
هذا الكريم الحلو فيه اللمعة الموجودة داخله
مو لمعة زي حق الكريمات لا .. زي الجلتر كذا بس ناااعمة وحلوة
تنفع للجسم مع الفستانين 
بإذن الله راح اخذ منه لجهازي .. احب ريحته وخاصة هالنوع منه
ريحته كذا ريحة نظافة ومنعشة .. مرا حبيتها
ديوردنتاتي 
هذي ابرز 3 استخدمها .. لكن استخدمها في المناسبات بس لان كثرتها مضرة
شركة نيفيا ماله ريحة بس يبقى المكان نظيف وجاف وبدون ريحة 
شركة بيزلين ريحته سيئة لكن يشفع له ملمسه الكريمي ولمن تعرقي مايسبب ريحة
شركة ليفينيا ريحته قوية لكن حلوة مرا .. ريحة نظافة كذا حتى لو عرقتي برضو تكون نفس ريحة الديوردنت حتى لو تحركتي باليوم تطلع نفس الريحة .. مرا جميل استخدمه في المناسبات
لتفتيح المنطقة : خلي الديوردنت اليومي تبعك هو كريم سودو وانتظري الين تتشربه البشرة ثم البسي ملابسك
استخدميه يوميا حتى لو ماتحممتي .
افضل آلة حلاقة ومافي اجمل منها 
هالموس عندي له تقريبا 5 سنوات ويمكن اكثر اللي اغيره هو الشفرات ولاَّ الآلة هي نفسها ماغيرتها
شفراتها تنباع لحالها بالسوبرماركت بـ 40 تقريبا او اكثر
عطر اختي 
جميلة هالمجموعة ريحتها ناعمة مرا تنفع للبيت او للدوام
بإذن الله باخذ هالمجموعة من بودي شوب
باقي المكياج حتكلم عنه برسالة جديدة
السلام عليكم اختتي مرررة عجبتني فكرة مدونتك وخاصة اني عروسة وجالسة اجهز كمان حبيت اسالك من فين الاقي منتجات ليفينيا ستايل حابة اجربها :))
ردحذفالله يتمملنا ع خير
موجودة في السوبر ماركت .. بندة او الدانوب
ردحذفالله يفتح لك ابواب الخير كلها جالسه اجهز لفدحي و متوهقه لآن معلوماتي ف آسواق جده متواضعه ومدونتك آفادتني ججججدا ودعواتي تلازمك دايما، خليتيني احب الحياه بعد ما كنت ماني طايقه ابدا ادبش ، بسآلك فين الاقي آلة الشفرات يا قلبي
ردحذف